जळगावच्या सराफ बाजारात सोनं आणि चांदीच्या दरात मोठी घसरण झाली आहे. सोन्याच्या दरात १० हजार रुपयांची घसरण झाली तर चांदीच्या दरामध्ये ३० हजार रुपयांची घसरण झाली आहे. सोनं-चांदीचे दर कमी झाल्यामुळे खरेदी करण्याची चांगली संधी आहे. सोन्याचे दर जीएसटीसह १ लाख ७२ हजार १० रुपयांवर तर चांदीचे दर ३ लाख ७२ हजार ८६० रुपयांवर आले आहेत. सोन्या चांदीच्या दरात काल विक्रमी वाढ झाल्यानंतर आज मोठी घसरण झाल्याने ग्राहकांना मोठा दिलासा मिळाला आहे. त्यामुळे सुवर्णनगरीत सोनं खरेदी करण्यासाठी ग्राहकांनी मोठी गर्दी केली आहे. गेल्या काही दिवसांपासून सोनं-चांदीच्या दरात सातत्याने वाढ होत असल्यामुळे ग्राहकांनी सोनं-चांदी खरेदीकडे पाठ फिरवली होती. पण आता दर कमी झाल्यामुळे त्यांच्यात आनंदाचे वातावरण आहे.