राज्य सरकारने मोठा निर्णय घेतला आहे. आता SSC बोर्डाचा अभ्यासक्रम हा CBSE सारखा होणार आहे. हा अभ्यासक्रम यंदाच्या शैक्षणिक वर्षापासून लागू होणार आहे. त्यामुळे यंदा विद्यार्थ्यांना नवीन अभ्यासक्रमाचा अभ्यास करावा लागणार आहे. अभ्यासक्रम आराखड्याला सुकाणू समितीने मान्यता दिली आहे.

मंत्री दादा भूसे यांनी विधानपरिषदेत याबाबत माहिती दिली आहे. विधानपरिषदेत त्यांनी लेखी स्वरुपातही ही माहिती दिली आहे. इयत्ता ३ ते १२ वी पर्यंत आता CBSE पॅटर्नसारखा होणार आहे. १ एप्रिलपासून या सत्राची सुरुवात होणार आहे. त्यामुळे यंदाच्या नवीन शैक्षणिक वर्षात विद्यार्थ्यांना शाळेत पाठ्यपुस्तकांपासून ते अभ्यासक्रम सर्वकाही नवीन असणार आहे.