विद्यार्थ्यांसाठी मोठी बातमी! अनुत्तीर्ण विद्यार्थ्यांना कॅरिऑन करण्याचा निर्णय सोलापूर विद्यापिठाने घेतला आहे. प्रथम वर्षामध्ये अनुत्तीर्ण झालेले अनेक विद्यार्थी द्वितीय वर्षात उत्तीर्ण झाले. परंतु पहिल्या वर्षातील काही विषय मागे राहिल्याने त्यांना आता तृतीय किंवा अंतिम वर्षात प्रवेश घेता येत नाहीये. यासाठी विद्यार्थ्यांना 'कॅरिऑन' अंतर्गत एक संधी देण्याचा निर्णय 'पुण्यश्लोक अहिल्याबाई होळकर' सोलापूर विद्यापीठाने घेतला आहे.

पुढील सत्र परिक्षेत अनुत्तीर्ण विद्यार्थ्यांना राहिलेल्या परिक्षेत पास व्हावे लागेल, अन्यथा तृतीय किंवा अंतिम वर्षातील त्या विद्यार्थ्यांचा प्रवेश रद्द होऊ शकतो.अनुत्तीर्ण विद्यार्थ्यांचे शिक्षण पुर्ण होण्यासाठी कुलगुरूंच्या मार्गदर्शनाखाली विद्यापीठाच्या विद्यापरिषदेने विद्यार्थ्यांना कॅरिऑनची संधी दिली आहे.