पुण्यातील पाणी भरलेल्या खड्ड्यामध्ये कॉंक्रिटीकरण करण्याचा उद्योग कंत्राटदाराला चांगलाच भोवलं आहे. महापालिकेने कंत्राटदाराला 1 लाख रुपयाचा दंड ठोठावला असून चुकीच्या पद्धतीने तयार केलेला रस्ता उखडून नव्याने तयार करण्याचे आदेश देखील देण्यात आले आहेत. शहरात समान पाणी पुरवठा योजनेचे काम सुरु आहे. दरम्यान जल वाहिनी टाकल्यानंतर ठेकेदारांकडून खड्डे बुजवले जात आहेत. अशातच पाण्याने भरलेल्या खड्ड्यात कॉंक्रिट टाकण्याचा प्रकार घडला. यासंदर्भात Saam Tvने बातमी दाखवली होती. या बातमीची दखल घेत महापालिकेने कारवाईला सुरुवात केली आहे.