भिवंडीच्या नदी नाका या भागात एका मोठ्या कापड गोदामाला भीषण आग लागली. खेलीसाखी डाईंग आणि प्रोसेस कंपनी च्या दुसऱ्या मजल्यावर भीषण आग लागली ही आग इतकी मोठी होती की काही वेळातच गोदामातील संपूर्ण कापड जळून खाक झालं आहे. ही आग मोठ्या प्रमाणात असल्यामुळे आगीने वेगाने पेट घेतला. आगीमुळे परिसरात धुराचे लोट पसरले होते.

आग लागल्याची माहिती मिळताच अग्निशामक दलाच्या गाड्या तात्काळ घटनास्थळी दाखल झाल्या. अग्निशामक दलाच्या अथक प्रयत्नांनंतर आग नियंत्रणात आणण्यात आली. सुदैवाने या घटनेत कोणतीही जीवितहानी झाली नाही, मात्र मालमत्तेचे नुकसान झालं आहे.