Pandharpur News: पंढरपूरची भीमा नदी इशारा पातळीवरून वाहतेय. पंढरपुरात पाऊस नसतानाही भीमा नदीला पूर आलाय. पंढरपुरातील भीमा नदी ही सध्या इशारा पातळी वरून दुथडी भरून वाहत आहे. सध्या भीमेत १ लाख १७ हजार इतका विसर्ग आहे. तर अजून १ लाख ७७ हजार क्यूसेकचा विसर्ग पुढील ८ तासात येणार आहे. त्यामुळे पुढील ८ तासात भीमा नदीच्या पाणी पातळीत २ मीटरने वाढ होईल. सध्या ४५० नागरीकांचे स्थलांतर करण्यात आले आहे. तर अजून दिवसभरात नागरिकांचे स्थलांतर होण्याची शक्यता आहे.