भीमा आणि नीरा खोऱ्यात मुसळधार पावसाचा जोर कायम असून धरणांत जलसाठा मोठ्या प्रमाणात वाढला आहे. उजनी धरणातील पाणी पातळी नियंत्रित करण्यासाठी भीमा नदी पात्रात एक लाख क्युसेक इतका विसर्ग सोडण्यात आला आहे. तर वीर धरणातून नीरा नदीत, १७ हजार क्युसेक विसर्ग सुरू करण्यात आला आहे. या विसर्गामुळे नदीकाठच्या भागात पूरपरिस्थिती निर्माण झाली आहे.चंद्रभागा नदि दुथडी भरुन वाहू लागली आहे. चंद्रभागा नदीवरील जूना दगडी पूल पाण्याखाली गेला असून भीमा नदिवरील सर्व आठ बंधारे बुडाले आहेत. प्रशासनाने नदिकाठच्या गावांना सतर्कतेचा इशारा देण्यात आला आहे .