यवतमाळ : यवतमाळ वाशिम लोकसभा (Lok Sabha Election 2024) मतदार संघातून उमेदवारी न मिळाल्यानं भावना गवळी नाराज असल्याचं चर्चा सुरु होत्या. त्यावर आता शिवसेना नेते अर्जुन खोतकर यांनी महत्त्वाचं वक्तव्य केलंय. उमेदवारी न मिळाल्यानंतर त्या नाराज झालेल्या असू शकतात, पण त्यांची नाराजी दूर करण्यासाठी मी स्वतः प्रयत्न करणार आहे, असं खोतकरांनी म्हटलंय. इतकंच काय तर आपण गवळींना फोनही केला, पण त्यांचा फोन नॉट रीचेबल आल्याचं खोतकरांनी (Arjun Khotkar) पत्रकारांशी बोलताना सांगितलं. ते वाशिममध्ये बोलत होते. यावेळी गवळी यांच्या पुर्नवसानाचा शब्द एकनाथ शिंदेंनी दिला असल्याचंही अर्जुन खोतकर यांनी स्पष्ट केलंय.