उद्धव ठाकरे यांच्या शिवसेनेचा दसरा मेळावा आज शिवाजी पार्क येथे होत असून चिखल, पाऊस याला न जुमानता हजारोंच्या संख्येने शिवसैनिक हे मुंबईत आल्याचे पाहायला मिळत आहे. तसेच मराठवाडा आणि राज्यातील इतर ठिकाणी मोठ्या प्रमाणात अतिवृष्टी झाली आहे. तर मेळावा घेण्याएवजी ती आर्थिक मदत शेतकऱ्यांना द्यावी असा सल्ला भाजपच्या नेत्यांनी दिला होता. यावरच ठाकरे गटाचे आमदार भास्कर जाधव यांनी जोरदार प्रत्युत्तर दिले आहे. तसेच कितीही पाऊस आला आणि चिखल साचला तरी देखील मेळावा हा होणार असा ठाम निर्धार त्यांनी व्यक्त केला.