भोंदूबाबा अशोक खरात याच्यावर झालेल्या लैंगिक शोषणाच्या आरोपानंतर राज्याच्या राजकारणात मोठी खळबळ उडाली आहे. तंत्र मंत्र आणि भोंदू बाबाच्या संपर्कात अनेक राजकीय नेते असल्याची चर्चा ही या निमित्ताने सुरू झाली आहे. यावर मात्र रोजगार हमी मंत्री भरत गोगावले यांनी तंत्र मंत्र आणि भोंदूबाबाशी कधी संपर्क आला नसल्याचे स्पष्ट केले आहे.

वारकरी संप्रदायातील गुरूंना आम्ही मानतो. विठ्ठलाचे आम्ही भक्त आहोत. संत ज्ञानेश्वर, संत तुकाराम यांच्या वारकरी संप्रदायाचे आम्ही पाईक आहोत. वारकरी संप्रदायाशी संबंधित असलेल्या आणि भजन कीर्तनाच्या माध्यमातून समाज परिवर्तन करणाऱ्या लोकांना आम्ही गुरु मानतो, असेही भरत गोगवले यांनी या निमित्ताने स्पष्ट केले आहे.