रायगड पालकमंत्रिपदाचा वाद आता अजित पवारांच्या कोर्टात गेला आहे. भरत गोगावले अजित पवार यांच्या भेटीसाठी गेले आहेत. अजित पवार गटाच्या आदिती तटकरे यांना रायगडचं पालकमंत्रिपद देण्यात आलेलं आहे. त्यावरून भरत गोगावले नाराज असल्याचं बघायला मिळत आहे. त्यांना हे पद मिळण्याची अपेक्षा होती. त्यानंतर रायगडच्या पालकमंत्रिपदाला स्थगिती देण्यात आलेली आहे. त्यामुळेच आज भरत गोगावले अजित पवारांच्या भेटीसाठी गेले आहेत का? असा सवाल आता उपस्थित होते आहे. त्यावर भरत गोगावले यांनी भेटी पूर्वी माध्यमांना प्रतिक्रिया दिली आहे. आज आमच्या खात्याची बैठक असल्याने आम्ही येथे आलेलो आहे. जिल्ह्याचा प्रश्न असल्याने आम्ही सगळे मंत्री एकत्र आलेले आहोत. पालकमंत्रिपदाबद्दल या आधी जे काही झालं ते झालं. आता येत्या दोन दिवसात निर्णय होईल. सगळं चांगलंच होईल. आम्ही पालकमंत्रिपदावर ठाम आहे, असं त्यांनी म्हंटलं आहे.