बीड सरपंच हत्या प्रकरणातील आरोपी वाल्मिक कराडला स्पेशल ट्रीटमेंट द्यायला बीड जिल्हा कोर्टाने नकार दिला आहे. कोठडीत असिस्टंट देण्याची मागणी देखील कोर्टाने फेटाळली आहे.

बीडच्या मस्साजोग येथील माजी सरपंच संतोष देशमुख यांच्या खंडणी आणि हत्या प्रकरणी आरोपी असलेल्या वाल्मिक कराड याने सरेंडर केल्यानंतर आता त्याची पोलीस कोठडीत रवानगी करण्यात आलेली आहे. यावेळी त्याने आपल्याला स्लिप अॅम्नीया नावाचा आजार असल्याचं सांगत या आजारामुळे ऑक्सीजन मशीन दररोज लावावं लागत असल्याने ते मशीन चालवण्यासाठी सीआयडी कोठडीत २४ तास एक मदतनीस कोठडीत देण्याची मागणी केली होती. मात्र असा खासगी व्यक्ती कोठडीत असलेल्या आरोपीसोबत ठेवता येणार नाही, असं कोर्टाने म्हंटलं आहे. तसंच कोणतीही स्पेशल ट्रीटमेंट मिळणार नसल्याचं सांगत वाल्मिक कराडची मागणी फेटाळून लावली आहे.