बीडच्या परळी नगरपरिषद निवडणुकीच्या गटनेता निवडी दरम्यान शिवसेना- राष्ट्रवादी- काँग्रेसला एमआयएमने पाठिंबा देत सत्तेमध्ये सहभागी होण्याचा निर्णय घेतला होता. मात्र शिवसेना आणि एमआयएमची युती झाली असे आरोप शिवसेनेवरती झाले आणि यानंतर शिवसेनेने आपण एमआयएमसोबत गेलो नाहीत आणि युतीही केली नाही. राष्ट्रवादी- भाजप आणि शिवसेनेची युती असून गटनेतेच्या निवड प्रक्रियादरम्यान एमआयएमने राष्ट्रवादीला पाठिंबा दिला आहे. यात आमच्या कुठलाही सहभाग नाही एक तर एमआयएमला बाजूला काढा नाही तर आम्हाला गटामधून जाण्याची परवानगी द्या अशी भूमिका शिवसेनेने जाहीर केली. त्यानंतर स्वतःहून एमआयएमच्या नगरसेविका शेख आयाशा यांनी गटनेते वैजनाथ भानुदास राव सोळंके यांच्याकडे बाहेर पडण्याचा निर्णय घेत पत्र दिले आहे.