सरपंच संतोष देशमुख हत्येचा मुख्य आरोपी वाल्मीक कराडला ठेवलेल्या तुरुंगांमध्ये स्पेशल फोन सापडला आहे. असा खळबळजनक दावा भाजप आमदार सुरेश धस यांनी केला आहे. मागच्या काही महिन्यांपासून वाल्मीक कराड हा खंडणी आणि संतोष देशमुख हत्येप्रकरणी बीडच्या कारागृहात आहे. मात्र त्याला व्हीआयपी सुविधा मिळत असल्याचा आरोप काही दिवसापूर्वी ठाकरे गटाचे नेते अंबादास दानवे यांनी देखील केला होता. यावरूनच आज आमदार सुरेश धस म्हणाले, जेलमधून एक स्पेशल फोन आता तो फोन सापडलेला आहे आणि विनंती एकच राहील मी मुख्यमंत्र्यांना भेटणार आहे. जो छोटा फोन आका वापरत होते. त्याचे डिटेल्स जर घेतले तर याच्यामधील सगळे काही जे आहे ते बाहेर येईल.