बीड जिल्ह्यामध्ये मध्यरात्री धुवाधार पावसाने शहरासह प्रशासकीय कार्यालयालावरही मोठा परिणाम केला आहे. बीड शहरातील ग्रामीण पोलीस स्टेशनला या पावसामुळे अक्षरश: तलावाचे स्वरूप आलेलं पाहायला मिळत आहे. स्टेशनमध्ये गुडघाभर पाणी साचल्याने पोलीस स्टेशन मधील संगणक त्याचबरोबर संपूर्ण पोलीस स्टेशनचे साहित्य कागदपत्र पाण्याखाली गेले आहे. त्यामुळे पोलिस स्टेशनचा कामकाज पुर्णपणे ठप्प झाला आहे. पोलिस स्टेशनच्या दैनंदिन कामकाजात अडथळा निर्माण झाला आहे. अचानक झालेल्या या पुरासारख्या परिस्थितिमुळे पोलिस प्रशासनास मोठा धक्का बसला आहे. पोलिसांकडून साचलेले पाणी बाहेर काढण्याचे प्रयत्न सुरु आहेत.मुसळधार पावसाने फक्त जनजीवनच विस्कळीत केले नाही तर आता प्रशासनालाही त्याचा फटका बसल्याचे स्पष्ट झाले आहे.