बीडच्या शासकीय रूग्णालयात नर्सिंगच्या मुलींचे शासकीय वसतिगृह आहे. याच वसतिगृहात साप आढळल्याने मुलींमध्ये एकच धावपळ उडाली. साप पाहून एक मुलगी चक्क बेहोश पडली आहे. तिच्यावर जिल्हा रुग्णालयातील अतिदक्षता विभागात उपचार सुरू आहेत. सार्वजनिक बांधकाम विभागाने मुलांचे वसतिगृह कालबाह्य ठरवले होते. या वसतिगृहात मानवी जिवाला धोका होऊ शकतो त्यामुळे सदर ईमारत जमीनदोस्त करावी असे स्पष्ट अहवालात म्हटले आहे. तरीही याच जीर्ण झालेल्या धोकादायक इमारतीत मुलींचा रहिवास आहे. आज साप आढळल्याने अनेक मुली वसतिगृहाच्या बाहेर आल्याच नाहीत.