योगेश काशिद, साम टिव्ही|बीड

बीड जिल्ह्यात झालेल्या अतिवृष्टीमुळे शेतकऱ्यांवर मोठं संकट कोसळले आहे. गेवराई तालुक्यातील तांदळवाडी हवेली परिसरात अनकुटा बंधाऱ्यालगतची शेतकऱ्यांची तब्बल चार एकर जमीन पाण्यामध्ये वाहून गेली असून त्या ठिकाणी आता फक्त खडक शिल्लक राहिला आहे. शेतकऱ्यांच्या बांधावरचं कपाशीच पीक संपूर्ण भुई सपाट झालेल आहे.वर्षभर खायचं काय प्यायचं काय हा मोठा प्रश्न शेतकऱ्यांसमोर उभा राहिला आहे.पिकांसह जमिन ही वाहून गेल्यामुळे शेतकरी हतबल झाले आहेत.आम्ही मदत मागायची कुणाकडे? आम्हाला तात्काळ मदत करा अशी हाक तांदळवाडी हवेलीत शेतक-यांनी केली आहे.संगळा संसारच उघड्यावर पडलाय.सरकारने तातडीने मदत करावी अशी मागणी शेतकरी करत आहे.