बीडमध्ये दिवसागणिक गुन्हेगारीचे प्रमाण वाढत आहे. संतोष देशमुख हत्येनंतर संपूर्ण बीड जिल्ह्यासह महाराष्ट्र हादरून गेला आहे. बीड शहरातून वारंवार गुन्हेगारीचे व्हिडिओ वायरल येत असल्यामुळे शहरातील लोकांमध्ये भीतीचे साम्राज्य पसरले आहे. असाच काहीसा व्हिडिओ आज पुन्हा समोर आला आहे. शहरातील छत्रपती शिवाजी महाराज चौकात गॅस सिलेंडर वाहतूक करणारा टेम्पो हा अतिवेगात असल्याने स्थानिक नागरिकाने त्याला थांबवले आणि त्याला गाडी हळू चालवण्यास सांगितल्यावर संबंधित चालक म्हणाला, 'तुझ्या सारखे चार पाच जणांना उडवतो' अशी धमकी दिली.

त्यानंतर संतप्त जमावाने त्याला चांगलाच चोप दिला. तसेच हा चालक दारूच्या नशेत देखील होता. गॅस सिलेंडरची वाहतूक करणाऱ्या टेम्पोचा चालक अशा पद्धतीने दारूच्या नशेत आढळल्याने एखादा भीषण अपघात होऊ शकतो अशी भीती उपस्थित नागरिकांनी केली.