बीडच्या शिवराज दिवटे मारहाण प्रकरणात नवा ट्विस्ट आला आहे. या मारहाण प्रकरणात आणखी एक धक्कादायक व्हिडीओ समोर आला आहे. या प्रकरणातील मुख्य आरोपी समाधान मुंडे याला जमावाने मारहाण केली. या मारहाणीचा व्हिडीओ समोर आला असून तो सोशल मीडियावर व्हायरल होत आहे. हा व्हिडीओ दोन दिवसांपूर्वीचा असल्याचे सांगितले जात आहे. आधी शिवराज दिवटेच्या मित्रांनी समाधान मुंडेला मारहाण केली. याचाच बदला घेण्यसाठी समाधान मुंडेने शिवराज दिवटेला मारहाण केल्याचा दावा करण्यात येत आहे. समाधान मुंडेला शिवराज दिवटेच्या मित्रांनी केसाला धरून भर चौकात तुडवल्याचे दिसत आहे. हा व्हिडीओ व्हायरल झाल्यानंतर एकच खळबळ उडाली आहे.

शिवराज दिवटे या तरुणाचे अपहण करून त्याला डोंगरपट्ट्यात नेऊन १० ते १५ जणांच्या टोळीने अमानुष मारहाण केली होती. या प्रकरणी पोलिसांनी सात आरोपींना अटक केली आहे तर उर्वरीत आरोपींचा शोध घेत आहेत. याचदरम्यान या प्रकरणात नवा ट्विस्ट आला आहे. या प्रकरणातील मुख्य आरोपी समाधान मुंडेला मारहाण झाल्याचा व्हिडीओ समोर आला. हा व्हिडीओ दोन दिवसांपूर्वीचा असून त्यामध्ये समाधान मुंडेला शिवराज दिवटेचे मित्र मारहाण करताना दिसत आहेत. आधी शिवराजच्या मित्रांनी मारहाण केली त्याचाच बदला म्हणून समाधान मुंडेच्या टोळीने शिवराजला मारहाण केल्याचे बोलले जात आहे. पोलिस सध्या याप्रकरणाचा तपास करत आहेत.