सागर आव्हाड, साम टीव्ही

रणजीत कासले हा अनेक दिवसांपासून आपल्या इंस्टाग्राम आणि फेसबुकद्वारे वेगवेगळे खळबळजनक दावे करत असल्यामुळे पोलीस प्रशासनाच्या कारवाईवर आणि प्रश्नचिन्ह निर्माण होत आहे. रणजीत कासले हा कुठे होता? याची कुणालाही माहिती नव्हती, अशातच रणजीत कासले ने इन्स्टाग्रामवर स्टेटसला तीन फोटो ठेवले आहेत. या फोटोमध्ये लाल किल्ला दिसत असून तीन तासापूर्वी हे फोटो त्यांनी अपलोड केले. रात्री लेट नाईट पार्टी केल्याचा एक पबमधला व्हिडिओ त्याने अपलोड केला आहे. तर, स्टेटसला एका व्हिडिओमध्ये गब्बर इज बॅक टाकून गाडीचा व्हिडिओ त्यांनी अपलोड केला आहे. तसेच एक बंदूकधारी सोबत धरून रणजीत कासले चालत आहे. त्यामुळे तो दिल्लीला असल्याचे अंदाज वर्तवला जात आहे. तसेच तो आज पोलिसांना शरण येणार असल्याचे त्यांनी सांगितले होते काही वेळातच रणजीत कासले हा पुणे विमानतळावरती दाखल होणार अशी माहिती खात्रीलायक सूत्रांनी साम टीव्हीला दिली आहे.