बीडच्या माजलगाव शहराजवळ खानापुरात बापाने लेकाच्या डोक्यात लाकडी बांबूच घालून हत्या केल्याची घटना घडली आहे. माजलगावात रविवारी सकाळी उघडकीस आली. रोहित गोपाळ कांबळे असे मृत तरुणाचे नाव आहे. तर आरोपी बापाचे नाव गोपाळ विठ्ठल कांबळे असे आहे.

मिळालेल्या माहितीनुसार, मृत मुलगा आणि आरोपी असलेला बाप या दोघांनाही दारूचे व्यसन होतं. दोघांमध्ये दारू आणण्याच्या कारणावरून नेहमीच वाद व्हायचा. आठ दिवसांपूर्वीच रोहित कांबळे याने गळफास घेऊन आत्महत्येचा प्रयत्न केला होता. दोघेही आज सकाळी दारूच्या नशेत असतानाच त्यांच्यात वाद झाला. यावेळी बापाने जवळच पडलेला लाकडी बांबू डोक्यात घालून त्याची हत्या केली.