बीडमधील गुन्हेगारी काही कमी होण्याचे नाव घेताना दिसत नाहीये. रोज एक ना एक मारहाणीचा व्हिडिओ समोर येत आहे. सुरुवातीला धनंजय मुंडे यांच्या समर्थकांनी केलेल्या मारहाणीचे व्हिडिओ समोर येत होते. त्यानंतर भाजप आमदार सुरेश धस यांच्या कार्यकर्त्यांनी केलेल्या ढाकणे कुटुंबाला मारहाणीचा व्हिडिओ समोर आला होता. आता सुरेश धस यांच्या कार्यकर्त्याला मनोज जरांगे पाटील यांच्या समर्थकांनी बेदम मारहाण केल्याचा व्हिडिओ सामोर आला आहे. सरपंच संतोष देशमुख यांच्या कुटुंबाला मदत करण्याच्या नावाखाली सरकारी अधिकाऱ्यांकडून पैसे उकळत असल्याचा आरोप या व्यक्तीवर केला जात आहे. आशिष विशाल असे या व्यक्तीचे नाव आहे. तसेच या माणसावर कडक कारवाई करावी अशी मागणी जरांगे पाटील यांच्या समर्थकांकडून केली जात आहे.