sarpanch santosh deshmukh Case Update : मस्साजोगचे सरपंच संतोष देशमुख यांच्या हत्या प्रकरणाची सुनावणी आज बीडच्या (Beed News) विशेष न्यायालयात होत आहे. या खटल्यासाठी सरकारी वकील उज्ज्वल निकम यांची अनुपस्थिती पुन्हा चर्चेत आहे. यापूर्वीच्या सुनावणीवेळीही निकम गैरहजर होते, तेव्हा विशेष सहाय्यक सरकारी वकील बाळासाहेब कोल्हे यांनी जबाबदारी सांभाळली होती.

आजच्या सुनावणीत कोल्हे पुन्हा काम पाहण्याची शक्यता आहे. संतोष देशमुख यांच्या हत्येने बीड जिल्ह्यात खळबळ उडाली होती. या प्रकरणात न्यायालयाचा निर्णय आणि पुराव्यांचे सादरीकरण याकडे सर्वांचे लक्ष लागले आहे. आरोपींच्या बाजूने कोणते युक्तिवाद केले जातील, यावरही सुनावणीचा कल अवलंबून आहे. स्थानिक नागरिक आणि पीडित कुटुंबाला न्यायाची अपेक्षा आहे. संतोष देशमुख हत्या प्रकरणातील ही पाचवी सुनावणी असेल.