महाराष्ट्राचे उपमुख्यमंत्री आणि राष्ट्रवादी काँग्रेसचे राष्ट्रीय अध्यक्ष अजित पवार यांच्या विधानाची सध्या चर्चा सुरु आहे. पुण्यात पत्रकारांशी बोलताना अजित पवार यांनी बारामती विधानसभाबद्दल मोठं वक्तव्य केलेय. त्यामुळे जय पवार हे बारामतीमधून निवडणुकीच्या रिंगणात उतरणार का? आशी चर्चा सुरु झाली. बारामती विधानसभा निवडणुकीत जय पवार यांना संधी देणार का, असा प्रश्न माध्यमांनी विचारला असता, अजितदादांनी सकारात्मक उत्तर दिलं.

जय पवार यांना संधी द्यायला पाहिजे किंवा नाही, हे आमच्या जनतेच्या आणि त्या भागातील कार्यकर्ते यांच्या मागणीवर आहे. मी सात आठ वेळा लढलो आहे. त्यामुळे मला त्यात इंटरेस्ट नाही. शेवटी पार्लमेंटरी बोर्ड ठरवेल की कोणाला उमेदवारी द्यायला पाहिजे, असं वक्तव्य अजित पवार यांनी पुण्यात केलेय.