Raj Uddhav Thackeray unity, Thane banner : महाराष्ट्रासाठी, मराठी माणसाच्या हिसाठी एकत्र या आशा आशायाचे बॅनर एकनाथ शिंदे यांच्या ठाण्यात झळकले आहेत. त्या बॅनरवर राज ठाकरे, उद्धव ठाकरे आणि बाळासाहेब ठाकरे यांचा एकत्र फोटो आहे. या फलकाची ठाण्यात आणि मुंबईमध्ये जोरदार चर्चा सुरू आहे. सोशल मीडियावर हा फलक जोरदार व्हायरल झाला आहे.

ठाण्यातील वागळे इस्टेटमधील पडवळ नगर येथे मराठी माणसाच्या हितासाठी उद्धव ठाकरे आणि राज ठाकरे यांनी एकत्र यावे, अशी मागणी करणारा फलक लावण्यात आला आहे. "महाराष्ट्रासाठी आणि मराठी माणसाच्या हितासाठी एक व्हा," असा मजकूर या फलकावर लिहिलेला आहे. मराठी जनतेची ठाकरे बंधूंनी पुन्हा एकत्र यावे, अशी तीव्र इच्छा असतानाच हा फलक चर्चेचा विषय ठरला आहे. यामुळे राजकीय वर्तुळातही ठाकरे बंधूंच्या एकीच्या चर्चांना आणखी बळ मिळाले आहे.