देशात बंदी घालण्यात आलेल्या चीनी लसणाने चोरट्या मार्गाने भारतात एन्ट्री केली आहे. आरोग्य विषयक खबरदारी म्हणून या लसणाला देशात बंदी घातली होती.

जगातील सर्वात मोठा लसूण उत्पादक देश म्हणून चीनची ओळख आहे. मात्र इथे पिकवलेला लसूण हा नैसर्गिकरित्या लागवड केलेला नसतो. भरपूर रसायनं आणि किटकनाशकं वापरुन या लसणाची निर्मिती केली जाते. त्यामुळे त्याचा आरोग्याला धोका आहे. त्यावरील बुरशीजन्य दूषिततेमुळे प्रशासनाने या लसणाला भारतात बंदी घातली होती. आता मात्र तब्बल 10 वर्षानंतर हा आरोग्याला हानिकारक असलेला लसूण तस्करीद्वारे भारतात येत असल्याच उघड झालं आहे. गुजरातच्या राजकोट येथील बाजारपेठेत 30 पोती चीनी लसूण आढळून आला आहे. या लसणाची किंमत कमी असल्यामुळे लोकं याच लसणाची खरेदी करण्याला पसंती देत आहे.