एसटी प्रवर्गात समाविष्ट करण्याच्या मागणीसाठी बंजारा समाज रस्त्यावर उतरला आहे. नांदेडमध्ये बंजारा समाजाचा आज महाएल्गार मोर्चा निघाला. हैदराबाद गॅजेटनुसार बंजारा समाजाचा एसटी प्रवर्गात समावेश करा अशी बंजारा समाजाची मागणी आहे. नांदेड शहरातील नवीन मोंढा मैदानातून या मोर्चाला सुरुवात झाली. नांदेड शहरातील मुख्य मार्गाने हा मोर्चा नांदेडच्या जिल्हाधिकारी कार्यालयावर धडकला. या मोर्चात लाखो बंजारा बांधव सहभागी झाले होते. नांदेड जिल्ह्यातील तालुकास्तरावरील मोर्चा नंतर आता नांदेड जिल्हाधिकारी कार्यालयावर आज बंजारा समाजाने मोर्चा काढला.