बांगलादेशात एक भीषण विमान अपघाताची दुर्घटना घडली. ढाक्यातील माइलस्टोन स्कूल अँड कॉलेजवर हवाई दलाचं एफ-७ BGI प्रशिक्षण विमान कोसळलं. या अपघातात एकाचा मृत्यू झाल्याची माहिती आहे. तर, चार जण गंभीर जखमी झाले आहेत. या घटनेची माहिती अग्निशमन अधिकारी लिमा खान यांनी दिली आहे.

विमानाचे नियंत्रण सुटल्यामुळे ते थेट शाळेच्या इमारतीवर कोसळले. अपघाताच्यावेळी शाळेमध्ये विद्यार्थी उपस्थित होते, त्यामुळे परिसरात मोठी धावपळ झाली. परिसरात आगीचे डोंब पाहायला मिळाले असून, आग विझवण्यासाठी आणि जखमींना बाहेर काढण्यासाठी बचावकार्य सुरू आहे.