इयत्ता पहिलीच्या बालभारतीच्या पुस्तकात जंगलात भरली मैफल ही कविता आहे. पण ही कविता आता सोशल मिडीयावर व्हायरल होत आहे. कारण ही कविता जरी मराठी असली तरी या कवितेत इंग्रजी आणि हिंदि शब्दांचा समावेश आहे. नाही ना बात, गुंडू पांडू, चिकीमिकी माऊस, वन्समोअर शोर असे शब्द असल्याने नेटकऱ्यांनी या कवितेवर आक्षेप घेतला आहे. फक्त नेटकरीच नाही तर साहित्यिक आणि शिक्षण तज्ज्ञांनीसुद्धा या कवितेवर आक्षेप नोंदवला आहे. पण बालभारतीचे अध्यक्ष कृष्णकुमार यांनी या कवितेत काहीच आक्षेपार्ह नसल्याचे म्हटले आहे.