अहमदनगरच्या संगमनेरमध्ये विखे - थोरात वाद टोकाला गेला आहे. सुजय विखे यांच्या सभेत बाळासाहेब थोरात यांची मुलगी जयश्री थोरात यांच्याबद्दल वादग्रस्त वक्तव्य करण्यात आलं होतं. धांदरफळ येथील कार्यकर्ते वसंत देशमुख यांच्याकडून जयश्री थोरात यांच्यावर खालच्या पातळीवर टीका करण्यात आली होती. वसंत देशमुख यांच्या वक्तव्यानंतर काँग्रेस कार्यकर्ते आक्रमक झाले आहेत. या वक्तव्यामुळे भाजप आणि काँग्रेस कार्यकर्ते आमनेसामने आले आहेत. यानंतर अनेक ठिकाणी वाहनांची जाळपोळ पाहायला मिळत आहे.