कीर्तनकार संग्राम बापू भंडारे यांनी बाळासाहेब थोरात यांना दिलेल्या धमकीनंतर आज संगमनेरमध्ये थोरात यांच्या समर्थनार्थ भव्य मोर्चाचे आयोजन करण्यात आले होते. या मोर्चात मंचावरील स्क्रीनवर घुलेवाडी येथील कीर्तनाचे व्हिडिओ दाखवत होणाऱ्या आरोपांवर थोरातांनी जोरदार प्रतिउत्तर दिलंय. कीर्तनकार संग्राम भंडारे यांच्यावर हल्ला झालेला नाही, त्यांच्या गाडीची कुणीही तोडफोड केलेली नाही तर माझ्या बदनामीसाठी सुनियोजित कट केला असल्याचा दावा थोरातांनी केलाय.

आमदार आल्यावर कीर्तनकार नारदाची गादी सोडून खुर्ची देण्यासाठी पुढे जातो आणि आमदाराच्या पाया पडतो, हे वारकरी परंपरेत बसते का? असा प्रश्न देखील व्हिडिओ दाखवत थोरातांनी उपस्थित केलाय. कीर्तनकार संग्राम भंडारे यांच्यावर हल्ला आणि गाडीची तोडफोडीचे आरोप झाल्यानंतर बाळासाहेब थोरात यांनी आजच्या मोर्चादरम्यान " लाव रे तो व्हिडीओ " पॅटर्न राबवत प्रतिउत्तर दिलंय...