जळगाव जिल्ह्यातील पाचोरा तालुक्यातील बहुळा धरणाने रुद्र रूप धारण केले असून मध्यरात्री दीड वाजल्यापासून तब्बल 37 हजार 431 क्युसेक पाण्याचा विसर्ग सुरु आहे. त्यामुळे धरणाखालील परिसरातील अनेक गावं पाण्याखाली गेली आहेत. घाटमाथ्यावर झालेल्या मुसळधार पावसाचा फटका या भागाला मोठ्या प्रमाणात बसला आहे. राजुरी, शिंदाड, पिंपळगाव परिसरातील शेतकरी हैराण झाले असून दोनशे ते अडीचशे गुरेढोरे पाण्याच्या प्रवाहात वाहून गेल्याची भीती व्यक्त केली जात आहे. प्रशासनाने नागरिकांना सतर्कतेचा इशारा देण्यात आला असून नद्यांच्या काठावरील गावकऱ्यांना सुरक्षित ठिकाणी हलविण्याचे आवाहन करण्यात आले आहे.