बदलापूर येथील चिमुकल्यांवर अत्याचार करणाऱ्या आरोपीचे वकीलपत्र कुणीही घेऊ नका, असं आवाहन कल्याणमधील वकील संघटनेच्या वतीने करण्यात आलंय. बदलापूरमधील एका नामांकित शाळेत सफाई कर्मचारी म्हणून काम करणाऱ्या अक्षय शिंदे यांनी शाळेतील दोन चिमुकल्या मुलींवर लैंगिक अत्याचार केला.

या अत्याचारानंतर परिसरात संतापाची लाट उसळली आहे. आरोपीचे कोणीही वकिलपत्र घेऊ नका अशी विनंती कल्याणमधील वकील संघटनेतर्फे करण्यात आली आहे. दरम्यान, आरोपी अक्षय शिंदे याला पोलिसांनी आज कोर्टात हजर केलं.

कल्याण न्यायालयाने त्याला २६ ऑक्टोबरपर्यंत पोलीस कोठडी सुनावली आहे. आरोपीने अशा प्रकारचे अजून काही लैंगिक शोषण व कृत्य केल्याचा संशय व्यक्त करत पोलिसांनी पोलीस कोठडी वाढवण्याची मागणी केली होती. त्यानंतर न्यायालयाने त्याची पोलीस कोठडीत रवानगी केली आहे.