बदलापूर रेल्वे स्थानकात MRVC ने जुनेच सरकते जिने लावून प्रवाशांची घोर फसवणूक केलीय. महाविकास आघाडीच्या नेत्यांनी या जुन्या सरकत्या जिन्यांची पोलखोल करत कंत्राटदार आणि अधिकाऱ्यांवर गुन्हे दाखल करण्याची मागणी केलीय.

बदलापूर रेल्वे स्थानकात गेल्या दोन ते तीन वर्षापासून विकासकामे सुरू आहेत. याच विकासकामांचा भाग म्हणून सरकते जिने लावण्याचं काम सुरू आहे. मात्र इथं जुने, गंजलेले जिने लावले जात असल्याचा प्रकार काही दिवसांपूर्वीच उघडकीस आला होता.

त्यानंतर आज महाविकास आघाडीच्या नेत्यांनी रेल्वे स्थानकात जाऊन या सरकत्या जिन्याची पाहणी केली. तेव्हा हे जिने कुठेतरी वापरलेले असल्याचं स्पष्ट झालं. याप्रकरणी राष्ट्रवादी शरद पवार पक्षाचे प्रदेश सरचिटणीस अविनाश देशमुख यांनी रेल्वे प्रशासनासोबत पत्रव्यवहार केला असून दोषी अधिकाऱ्यांवर तसेच कंत्राटदारांवर गुन्हा दाखल करण्याची मागणी केलीय.