बदलापूर येथील एका नामांकित शाळेतील दोन चिमुकल्या मुलींवर सफाई कर्मचाऱ्याने लैंगिक अत्याचार केला. या अत्याचाराविरोधात बदलापूरकरांनी रेल्वेस्थानकावर आंदोलन सुरु केले. यावेळी आंदोलनकर्त्यांनी रेल्वे मार्ग रोखून धरला. पोलिसांनी आंदोलकांना हटवण्यासाठी सौम्य लाठीमार केला.

त्यामुळे आंदोलक संतप्त झाले. त्यांनी पोलिसांवर दगडफेक सुरु केली. त्यामुळे पोलिसांची पळता भुई झाली. या दगडफेकीत पोलिसांसह काही आंदोलक जखमी झाले आहेत. दगडफेकीच्या या घटनेचा व्हिडीओ समोर आला आहे.

आंदोलनकर्त्यांनी संयम बाळगावा कुणीही कायदा हातात घेऊ नये, असे आवाहन पोलिसांकडून केलं जातंय. सध्या परिसरात तणावपूर्ण शांतता असून पोलीस आंदोलनकर्त्यांची समजूत काढण्याचा प्रयत्न करीत आहेत.