बदलापूर : बदलापुरात मंगळवारी दोन मुलींवरी अत्याचाराविरोधात आंदोलन करण्यात आलं. बदलापुरातील संतप्त आंदोलकांनी ८ तासांहून अधिक वेळ रेल्वे सेवा रोखली. त्यामुळे मध्य रेल्वे खोळंबली होती. लोकल ट्रेन या सात वाजेपर्यंत अंबरनाथपर्यंत धावत होत्या. तर एक्स्प्रेस ट्रेन या पनवेल-कर्जत मार्गे वळवण्यात आल्या होत्या. आंदोलनासाठी रुळावर उतरलेल्या आंदोलकांनी पोलिसांवरही दगडफेक केली. तर पोलिसांनी सोम्य लाठीचार्ज केला.

आज बुधवारी बदलापूरमध्ये तणावपूर्ण शांतता आहे. मात्र, खबरदारीचा उपाय म्हणून शहरातील इंटरनेटसेवा बंद ठेवण्यात आली आहे. मध्य रेल्वेची सेवा देखील सुरळीत आहे. शहरातील परिस्थिती पूर्वपदावर येऊ लागली आहे. शहरात मोठ्या प्रमाणात पोलिसांचा बंदोबस्त पाहायला मिळत आहे.