बदलापूर प्रकरणाची एसआयटी चौकशी होणार आहेत. गृहमंत्री देवेंद्र फडणवीस यांनी यासंदर्भाचे आदेश दिले आहेत. हे प्रकरणाची सरकारने गंभीर दखल घेतली असून आरोपीला कठारोत कठोर शिक्षा केली जाईल. तसंच हे प्रकरण फास्ट ट्रॅक कोर्टामध्ये चालवले जाईल, अशी माहिती मुख्यमंत्री एकनाथ शिंदे यांनी दिले होते. त्यानंतर आता उपमुख्यमंत्री आणि गृहमंत्री देवेंद्र फडणवीस यांनी या प्रकरणाची एसआयटी चौकशी करण्याचे आदेश दिले आहेत.

बदलापूरमध्ये नामांकित शाळेत दोन शाळकरी मुलींवर लैंगिक अत्याचाराची घटना घडली होती. या घटनेच्या निषेधार्थ आज बदलापूरमध्ये बंदची हाक देण्यात आली आहे. शाळेच्या बाहेर मोठ्यासंख्येने एकत्र येत नागरिकांनी आंदोलन केले आणि शाळेच्या गेटमधून प्रवेश करत शाळेची तोडफोड केली आहे. बदलापुरमध्ये संतप्त नागरिकांनी रास्तारोको केला. तसंच, बदलापूर रेल्वे स्थानकांवर रेलरोको आंदोलन करण्यात आले आहेत. गेल्या ३ तासांपासून रेलरोको आंदोलन सुरू असल्याने मध्यरेल्वेची वाहतूक ठप्प झाली आहे.