बदलापूर बलात्कार प्रकरणातील आरोपी अक्षय शिंदेचा दफनविधी पूर्ण झाला आहे. बदलापूर आणि अंबरनाथमधील विरोधानंतर मोठ्या पोलीस बंदोबस्तात उल्हासनगरमध्ये त्याच्यावर अंत्यसंस्कार करण्यात आले. एन्काऊंटनंतर सात दिवसांनंतर अखेर शांतिनंगर स्मशानभूमित मृतदेह दफन करण्यात आला.

अक्षय शिंदेचा मृतदेह दफन करण्यास उल्हासनगरमध्ये सुद्धा विरोध झालेला. शांतीनगर स्मशानभूमिमध्ये खोदलेला खड्डा शिवसेना शिंदे गटानं बुजवला होता. यानंतर विरोध करणाऱ्यांना पोलिसांनी ताब्यात घेतलं. दरम्यान, सोमवारपर्यंत अक्षय शिंदे याचा मृतदेह दफन करण्याचे मुंबई उच्च न्यायालयाचे निर्देश पोलिसांना दिले होते. त्यानंतर आज त्याच्यावर अंत्यसंस्कार करण्यात आले.