बदलापूर अत्याचार प्रकरणातील आरोपी अक्षय शिंदे याचा पोलिसांनी सोमवारी सायंकाळच्या सुमारास मुंब्रा येथे एन्काऊंटर केला. पोलिसांचे एक पथक आरोपी अक्षय याला तळोजा जेलमधून बदलापूर येथे घेऊन जात होते. त्याचवेळी आरोपीने पोलिसांची बंदूक हिसकावून त्यांच्यावर गोळीबार केला.

या गोळीबारात एपीआय निलेश मोरे यांच्या पायाला गोळी लागली. त्यामुळे ते गंभीर जखमी झाले. गोळीबारानंतर आरोपीने पोलीस व्हॅनमधून पळून जाण्याचा प्रयत्न केला. मात्र, पोलीस निरीक्षक संजय शिंदे यांनी स्वरक्षणांर्थ अक्षयवर गोळ्या झाडल्या.

यात आरोपीचा पोलीस व्हॅनमध्येच मृत्यू झाला. दरम्यान, आरोपी अक्षयचे एन्काऊंटर झालेल्या व्हॅनचा व्हिडीओ समोर आला आहे. व्हिडीओमध्ये तुम्ही पाहू शकता, की हीच ती व्हॅन आहे, ज्यामध्ये अक्षयचे एन्काऊंटर करण्यात आले.