अजित पवार गटाचे नेते बाबा सिद्दीकी यांची शनिवारी रात्री मुंबईतील वांद्रे भागात गोळ्या झाडून हत्या करण्यात आली. वांद्रे पूर्व भागात हल्लेखोरांनी त्यांच्यावर अनेक राऊंड गोळीबार केला, ज्यामध्ये त्यांच्या छातीत आणि पोटात गोळ्या लागल्या. गंभीर अवस्थेत त्यांना लीलावती रुग्णालयात दाखल केले असता डॉक्टरांनी त्यांना मृत घोषित केले.

पोलिसांनी तत्काळ कारवाई करत दोघांना अटक केली तर तिसरा आरोपी अद्याप फरार आहे. यावर आपली प्रतिक्रिया देताना मुख्यमंत्री एकनाथ शिंदे म्हणाले की, सर्व आरोपींवर कडक कारवाई केली जाईल. दोन आरोपींना अटक करण्यात आली असून एक अद्याप फरार आहे. कायदा आणि सुव्यवस्था कोणीही आपल्या हातात घेऊ शकत नाही. मुंबई पोलिसांना तशा सूचना देण्यात आल्या आहेत.