राष्ट्रवादी नेते बाबा सिद्दिकी हत्या प्रकरणात नवीन माहिती पुढे आली आहे. चौघा आरोपींना दुबई ट्रीपचं आमिष दाखवण्यात आलं होतं. त्याचबरोबर २५ लाख रोख रक्कम, कार आणि घर देण्याचं देखील कबूल करण्यात आलं होतं.

राष्ट्रवादी नेते बाबा सिद्दिकी यांची त्यांच्याच कार्यालयाबाहेर 12 ऑक्टोबरला गोळ्या झाडून हत्या करण्यात आली होती. या प्रकरणात आता पोलीस तपासातून अनेक मोठे खुलासे होत आहेत. या प्रकरणातील चारही आरोपींना दुबई ट्रीप आणि त्याचसोबत २५ लाख रोख रक्कम, कार आणि घर देण्याचं आमिष दाखवण्यात आलं होतं. आरोपी रामफुलचंद कनोजिया याने रुपेश मोहोळ, शिवम कोहड, करण साळवे आणि गौरव अपुने यांना हे आमिष दिल्याचं चारही आरोपींनी चौकशीत सांगितलं आहे. आत्तापर्यंत बाबा सिद्दीकी यांच्या हत्ये प्रकरणी 18 जणांना अटक करण्यात आली आहे. याआधी ही हत्या केवळ २ लाखांसाठी करण्यात आली असल्याच पोलीस तपासात उघड झालं होत. आता आणखीन नवीन खुलासे चौकशीतून समोर येत आहेत.

Edited By Rakhi Rajput