वांद्रेमधील बाबा सीद्दिकी हत्येप्रकरणी पुण्यातून आरोपी प्रविण लोणकरला अटक करण्यात आली आहे. राष्ट्रवादीअजित पावर गटाचे नेते बाबा सीद्दिकी यांची शनिवारी रात्री वांद्रे परिसरात गोळ्या घालून हत्या करण्यात आली आहे. त्यानंतर त्यांच्या हत्येच पुणे कनेक्शन उघड झालं आहे. त्या आधारे मुंबई गुन्हे शाखेने पुण्यातून एका आरोपीला तब्यात घेतलं आहे. प्रविण लोणकर असं या आरोपीचं नाव आहे. प्रविण हा शुभम लोणकरचा भाऊ आहे. लोणकर बंधूंच्या दूध डेरीवरून प्राविणला पोलिसांनी तब्यात घेतलं आहे. प्रविण लोणकर यानेच तिन्ही आरोपी धर्मराज कश्यप, शिवकुमार गौतम आणि कर्नीलसिंह यांना राहण्यासाठी खोली भाड्याने दिली होती. हे तिघं पुण्यात लोणकरयाच्या डेअरी शेजारीच भंगार गोळा करण्याचं काम करायचे. इथूनच ते मुंबईला येऊन रेकी करत होते. त्यासाठी प्रविण यानेच त्यांना खोली दिली होती. अशी माहिती तपासातून समोर आल्यानंतर मुंबई गुन्हे शाखेच्या पोलिसांनी आरोपी प्रविण लोणकर याला पुण्यातून तब्यात घेतलं आहे.