मुख्यमंत्री एकनाथ शिंदेंच्या दौऱ्यादरम्यान कोल्हापुरातील 16 हजार रिक्षा चालक संपावर जाणार आहेत. 25 जून रोजी मुख्यमंत्री कोल्हापूर जिल्हा दौऱ्यावर आहेत. पासिंग दंडाविरोधात २५ जून रोजी हे आंदोलन करण्यात येणार आहे. दरम्यान जिल्हा रिक्षा आणि टॅक्सी वाहनधारक समितीच्या वतीने रिक्षा बंद करून संपावर जाण्याचा निर्णय घेण्यात आला आहे. रिक्षा, टॅक्सी यांना पासिंग विलंब आकार प्रत्येक दिवशी 50 रुपये आकारला जात आहे. हा दंड त्वरित रद्द करावा, या मागणीसाठी येत्या सोमवारी रात्री साडेअकरा ते मंगळवारी सायंकाळी पाचपर्यंत कोल्हापूर जिल्ह्यातील रिक्षा आणि टॅक्सी बंद आंदोलन करून संपावर जाणार आहेत, अशी माहिती ठाकरे पक्षाचे सह संपर्कप्रमुख तथा जिल्हा रिक्षा आणि टॅक्सी वाहनधारक समितीचे नेते विजय देवणे यांनी दिली आहे.