कोल्हापूरच्या कुरुंदवाड नगरपालिकेचे मुख्याधिकारी यांचा वादग्रस्त ऑडिओ क्लिप समोर आला आहे. ऑडिओ क्लिप व्हायरल झाल्याने परिसरात एकच खळबळ उडाली आहे. पालिकेच्या मुख्यअधिकाऱ्यांनी खासदारांना पैसे द्यावे लागतील म्हणून कर्मचाऱ्यांकडून पैशांची सोय करण्याची मागणी करत असल्याचा हा ऑडिओ क्लिप आहे. आशिष चौहान या मुख्य अधिकाऱ्यांची ही ऑडिओ क्लिप असल्याचाही दावा करण्यात येत आहे. तसेच ठेकेदाराकडून पैसे कसे घ्यायचे आणि एका जमिनीचा ताबा कसा मिळवायचा याचे एका महिला अधिकाऱ्यासोबतचे संभाषण व्हायरल झाल्यामुळे नागरिकांकडून आशिष चौहान यांच्या विरोधात जोरदार आंदोलन करण्यात येत आहे. या आंदोलनाची दखल घेत जिल्हाधिकारी अमोल येडगे यांनी त्यांना तातडीने सक्तीच्या रजेवर पाठवलं आहे. त्यांच्याकडून कुरुंदवाड मधील नागरिकांना उद्धट देखील बोलण्यात आलं आहे.