विधानपरिषद निवडणुकीच्या पार्श्वभुमीवर कॉंग्रेसचे आमदार फुटणार असल्याची चर्चा सर्वत्र सूरु आहे. कॉंग्रेस आमदार झिशान सिद्दीकी नाराज असल्याची माहिती समोर येत आहे. त्यांनी ही नाराजी बोलून दाखवली आहे. पक्षाने बैठकीला बोलावलं नव्हतं त्यामुळे कालच्या बैठकीला गैरहजर होतो अशी प्रतिक्रिया झिशान सिद्दीकी यांनी दिली आहे. यावर बैठकीबद्दल वरिष्टानी सर्वांना सांगितलं होत, मग सिद्दीकी यांना कसं माहित नाही असा सवाल अस्लम शेख यांनी उपस्थित केला आहे. विधान परिषद निवडणुकीमध्ये घोडेबाजारी झाली असल्याची देखील शक्यता वर्तवली जात आहे.