नाशिकचा भोंदूबाबा अशोक खरातने १०० पेक्षा अधिक महिलांवर लैंगिक अत्याचार केले. खरातच्या अत्याचारांचे अश्लील व्हिडिओ १५ ते २० रुपयांना विकले जात असल्याचा खळबळजनक प्रकार उघडकीस आला आहे. सोशल मीडियावर हे व्हिडिओ व्हायरल झाले आहेत. याप्रकरणी महाराष्ट्र सायबर पोलिसांनी अशोक खरात आणि संबंधित सोशल मीडिया हँडल्सवर गुन्हा दाखल केला आहे. या प्रकरणातील दोषींवर लवकरच कठोर कायदेशीर कारवाई केली जाणार असल्याचे पोलिसांनी स्पष्ट केलं आहे.

अशोक खरातच्या विरोधात आणखी ११ महिलांनी लैंगिक शोषण केल्याप्रकरणी तक्रार दाखल केली आहे. त्यामुळे खरातविरोधात महिलांच्या तक्रारींची संख्या १९ वर पोहचली आहे. पतीचा मृत्यू अटळ आहे तसंच कुटुंबियांच्या जीवाची भीती दाखवून नराधम खरातने महिलांवर लैंगिक अत्याचार केल्याची धक्कादायक माहिती समोर आली आहे. देवाची ऊर्जा देण्याच्या नावाखाली भोंदू खरात महिलांचं शोषण करत होता. पोलिस सध्या या प्रकरणाचा कसून तपास करत आहेत.