मनसे अध्यक्ष राज ठाकरे आणि शिवसेना ठाकरे गटाचे प्रमुख उद्धव ठाकरे हे एकत्र येणार असल्याची चर्चा काल दिवसभरापासून रंगली आहे. यावरच राजकीय नेत्यांनी विविध प्रतिक्रिया देत आपले मत व्यक्त केले आहे. काहींनी याचे स्वागत केले तर काही नेत्यांनी मिश्किल टीका देखील केली आहे. अशातच भाजपचे नेते तथा मंत्री आशिष शेलार यांनी यावर प्रतिक्रिया दिली आहे. आशिष शेलार म्हणाले, राज ठाकरे माझे वैयक्तिक मित्र होते. राज ठाकरेंशी हात मिळवणी करण्यासंदर्भात उद्धव ठाकरेंनी जाहीर भाषणात काही अटी ठेवल्या. मात्र, ती अट आहे की राजकीय कट आहे अशी शंका भाजप नेते आणि सांस्कृतिक मंत्री आशिष शेलार यांनी उपस्थित केली.