विदर्भातील महायुतीतला वाद चव्हाट्यावर आलाय. राष्ट्रवादीचे दोन मंत्री विदर्भात भाजपची कोंडी करतात, असा आरोप भाजप नेते आशिष देशमुख यांनी केला आहे. धनंजय मुंडे आणि वळसे पाटील यांच्यावर देशमुख यांनी हा आरोप केला आहे.

राज्यातील विधानसभा निवडणुका जसजशा जवळ येत आहेत. तसा महायुतीमधला अंतर्गत वाद चव्हाट्यावर येत आहे. आता विदर्भातला महायुतीतला वाद असाच समोर आला आहे. भाजप नेते आशिष देशमुख यांनी राष्ट्रवादीचे दोन मंत्री भाजपची कोंडी करतात असं म्हंटल आहे. धनंजय मुंडे हे अनिल देशमुख यांच्या सांगण्यावरून निर्णय घेतात. तर दिलीप वळसे पाटील यांनी सुनील केदार यांच्या सांगण्यावरून जिल्हा बँक घोटाळा प्रकरणात दिरंगाई केली असा आरोपही त्यांनी केला आहे. जुने संबंध जोपासण्यासाठी हे नेते विदर्भातील शेतकऱ्यांसाठी हिताचे निर्णय घेण्यात दिरंगाई करत आहेत, असं त्यांनी म्हंटल आहे.