आषाढी एकादशीच्या शुभ मुहूर्तावर पांडुरंगाच्या नगरीत भक्तिभाव आणि श्रद्धेने भारलेला सोहळा साजरा होत आहे. महाराष्ट्राचे मुख्यमंत्री देवेंद्र फडणवीस यांच्याकडून श्री विठ्ठल आणि रुक्मिणी मातेच्या चरणी खास पोशाख अर्पण करणार आहेत. या वर्षी विठ्ठल-रुक्मिणीला जांभळ्या आणि भगव्या रंगांची भरजरी वस्त्रे अर्पण करण्यात येणार आहेत. पारंपरिक आणि भव्य अशा या पोशाखाने देवतांचे अलंकारिक रूप अधिकच तेजस्वी दिसणार आहे.

हा पवित्र आणि भाविकांच्या हृदयाला भिडणारा सोहळा साम टीव्हीवर थेट पाहता येणार आहे. त्यामुळे घरबसल्या लाखो भाविकांना श्री विठ्ठल-रुक्मिणीच्या दर्शनाचा लाभ मिळणार आहे.पंढरपूरच्या विठ्ठल मंदिरात दरवर्षी आषाढी एकादशीला हजारो वारकरी, भाविक मोठ्या भक्तिभावाने एकत्र येतात. भाविकांच्या उत्साहाला आणि श्रद्धेला स्पर्श करणारा हा सोहळा दरवर्षीप्रमाणे यंदाही भक्तिभावाने साजरा होणार आहे.