वायुवेगाने धावणारे अश्व, भक्ती सागरात तल्लीन झालेले वारकरी असा वैष्णवांचा रिंगण सोहळा आज सिन्नरमध्ये पार पडणार आहे. संत निवृत्तीनाथ पालखी सोहळा आज दातलीमध्ये येऊन पोहोचला. आणि अगदी काहीच वेळात पालखीचा पहिला रिंगण सोहळा पार पडणार आहे. रिंगण सोहळा डोळ्यात साठवण्यासाठी भाविकांनी मोठी गर्दी केलीय. रांगोळी काढून त्यावर फुलांचा सडा घालण्यात आलाय.. हातात भगवा पताका घेऊन तुळशी वृंदावन डोक्यावर घेत हा सोहळा डोळ्यात टिपण्यासाठी माय माऊली आतूर झाल्या आहेत.